| Oorkom duisternis met lig | Oorkom die invloed van die okkult | Oorkom jou vrees | Oorkom verwerping |
| Oorkom depressie | Hoogmoed | Oorkom finansiële probleme | Reinig jou land |

Hierdie handboek vorm die basis van al die Simposiums wat ons landswyd aanbied.
Die audio en video bande is opgeneem terwyl die lesings aangebied was in kerke.

'n Sielkundige se taak is om vas te stel, deur te luister na die simptome/vrug, waar 'n persoon se emosionele probleem se ontstaan is.
Hipnose (waarteen ons gekant is) word onderandere deur sielkundiges gebruik.

Met die vasstelling van die oorsprong en die identifisering van die wortel of letsel word die klieNnt van die sielkundige nou geleer om met die probleem saam te leef.

Om dit leefbaar te maak stel die sielkundige voor dat slaapterapie of medikasie aangewend word.

Meditering is 'n opsie wat deur sielkundiges voorgestel word. Sodra die 'druk' verwyder word verdwyn die simptome en dit wil voorkom as of die persoon dan genees is, maar in werklikheid is die persoon nie genees nie.

Sodra die "hulpmiddels" of "steunmiddels" of "onderdrukkers" (wat deur sielkundiges aanbeveel word) nie gebruik word nie, verskyn die simptome weer en die probleme is baie keer erger as ooit vantevore.

Permanente genesing word slegs volhou deur die toepassing van God se riglyne wat by die 6,000 jaar beproef is. Belydenis teenoor 'n regverdige.

Die vergewe van die betrokkenes. Die respektering van jou ouers. Die inwerkende krag van die Heilige Gees. Die toepassing van God se Woord.

Die inneem van vitamiene. Die erkenning van eie swakhede ens. is almal faktore wat in ag geneem moet word as u 'n oorwinnende lewe in besit wil neem.
Vervolgens 'n opsommende weergawe van die materiaal wat in die handboek gebruik word. Hierdie modules skakel die een by die ander in en word aan gebied as 'n sesdag Simposiums by kerke.

Module een
Verbondsooreenkomste - Oorkom duisternis met lig

U moet verstaan dat nêrens in die Bybel kry u 'n 'Beradersraamwerk' nie, maar wel die profiel van die Leraar/Rigter.

Die Leraar moes dus die volk lei na God se instellings sodat vrede gehandhaaf kon word.

Sodra die volk die Leraar se aanwysings -wat op Godswoord geskoei is- verwerp, dan beweeg die vyand in, aan-ge-vuur deur Satan homself.

Berading se oorsprong is humanisties terwyl die Leraar, Jesus se voorbeeld volg. Die Leraar se verwysingsraamwerk is 95% Woordgebaseer en 5% sielkunde terwyl die Berader u as kliënt altyd aan hom as 'n persoon sal koppel.

Slegs die Here kan volmaak genees. Inderwaarheid was siekte nooit deel van God se plan nie.
Om gesond te bly moet by die Riglyne gebly word.

Module twee
Oorkom die invloed van die okkult - Maak die gevangene los


Maak die gevangene los - handel oor die Okkulte en die gepaardgaande vloeke wat dit meebring.

Hier sal u leer dat huweliksprobleme, siektes, finansiële druk en baie ander ongelukkighede van hier kan begin.

Ek is nie 'n voorstander van die 'bloedlynvloek' nie maar is wel oop vir oortuiging.

Maar wat ek wel dink kan gebeur is dat voorbeelde van leiersfigure 'n kardinale rol speel in u verwysingsraamwerk.

My eie ma het my voorgestel aan 'n toordokter en vir jare was ek onder die oortuiging dat dit reg was.

Waar kom die bose geeste vandaan?

‘n Groot persentasie van ons praktiserend teoloë stem ooreen dat hierdie bose geeste (duiwels, demone, onreine geeste,) niemand anders is as die gevalle engele wat saam met Satan (eers Lucifer) uit die hemel teen die grond verdryf is nie. " Hulle taak is om jou te verhinder om die evangelie te verkondig."

Die Nederlandse Geloofsbelydenis - Art. 12 verklaar dat: "Die duiwels en die bose geeste het so verdorwe geraak dat hulle vyande van God en van alle goeie dinge is.

Met al hulle mag loer hulle soos moordenaars op die kerk en op elke lidmaat daarvan." Ons kan hulle nie weg wens of hulle ignoreer nie, want hulle is ons vyandig gesind en laat ons nie met rus nie.

New Age Medisyne

Die term New Age Medisyne omsluit ‘n wye verskeidenheid terapieë. Elke New Age Terapie het sy eie ontstaansgeskiedenis en kom uit verskillende kulture en tydperke in die geskiedenis.

Sommige bestaan reeds eeue (Kruiekultuur en Spiritisme). Ander het in die 19de eeu ontstaan (Chiropraktyk, Homeopatie). Nog ander het ‘n taamlike resente ontstaansgeskiedenis (Biofeedback, Rolfing). Meeste van die terapieë het ‘n Oosterse agtergrond of is sterk beïnvloed deur Oosterse mistisisme, of is sterk spiritisties, okkulties en animisties gekleurd.

Natuurlik is wetenskaplike medisyne nie bo kritiek verhewe nie! Genesing is egter te vinde in Jesus Christus.

Hoe kry jou Teenstander dit reg om te roof in jou finansies, jou gesondheid, jou huwelik of jou kinders as God jou Beskermer is. 'n Gebrek aan kennis, spesifiek in die Okkultiese dimensie is die antwoord.

Leer verder in ons Handboek of luister na die opnames, hoe die Duiwel toegang verkry in die kind van die Here se lewe.

| Terug na bo |

Module drie
Oorkom jou vrees - Verslaan die leeu in jou lewe

Kortstondige spanning is normaal. Dit stel die liggaam in staat om ‘of te vlug ‘of om aan te val. Dit is egter nie ons probleem nie, maar 'n langdurige spanning of 'n onderliggende vrees, is nadelig vir die liggaam.

'n Pyl en boog wat altyd gespanne is, sal nie hou nie.

Dit verslap mettertyd en verloor sy elastisiteit. Net so ook 'n gespanne persoon; sy liggaam gee mettertyd in. Spanning is slegs 'n meetinstrument wat die persoon se vreesvlakke toets.

Psigomatiese Versteurings

Die siening dat psigiese prosesse 'n liggaamlike siekte kan veroorsaak, is so oud soos die geneeskunde self. Indien 'n toestand as psigosomaties geklassifiseer word, beteken dit nie dat alle gevalle van die betrokke siekte deur psigiese prosesse veroorsaak word nie. Dit is moontlik dat die siekte in sekere gevalle 'n suiwer organiese oorsaak kan hê.

Daar word beweer dat + - 80% van alle siektes veroorsaak kan word deur 'n emosionele toestand, met sy oormatige vrese, depressie of teleurstellings, . ..... Soos ek en u, doen ons goed en poog ons om onder Sy beskerming te bly; tog ondervind ons in die praktyk dat die mens siek is en huweliksongelukkighede het en finansieel so sukkel. Sy Bloed is ons borg en onder Sy beskerming geniet ons vrywaring van Satan se aanvalle.

Oral Robberts sê "Jy as ‘n mens het ‘n keuse; of jy kan kies om vrees deel van jou lewe te maak, of liefde as jou erfdeel". Maar ek stem nie saam nie. As vrees reeds ‘n houvas op jou het, as die gees van vrees reeds op jou is, dan is jy ‘n gevangene. Jy het geen keuse meer nie, jy moet iemand kry wat vir jou kan bid oor jou vrese..

| Terug na bo |

Module vier
Oorkom verwerping - Maskers wat mense dra

Oorweeg hierdie vrae...

• Word u gevoelens maklik seergemaak? Ja/Nee
• Sien u kwetsing waar dit nie bedoel is nie? Ja/Nee
• Vertroetel u gekwetste gevoelens? Ja/Nee
• Is u gereeld daarop uit om uself en andere te regverdig? Ja/nee
• Moet u spesiaal uitgenooi word vir deelname aan aktiwiteite waaraan ander vrywilliglik sal deelneem? Ja/Nee
• Kruip u in u dop en vind u dit moeilik om met ander te deel? Ja/Nee
• Praat u baie sonder om te openbaar wat u regtig dink? Ja/Nee
• Het u ‘n behoefte aan komplimente maar u hoor hulle nie? Ja/Nee
• Verwag u om oor die hoof gesien te word? Ja/Nee
• Verwaarloos u u voorkoms of spandeer u daagliks te veel energie daaraan? Ja/Nee
• Verkleineer u uself of spog u te veel?
• Ondervind u probleme om projekte te voltooi waarmee u begin het? Ja/Nee

Ja = 2
Nee = 0 Totale punte

Al het u net een "ja" gekry is dit voldoende bewys dat u seer gekry het of verwerp is/was in u lewe.

Verwerping en teleurstellings en skokke bring dieselfde simptome mee. Dit is uiters noodsaaklik om te kan onderskei tussen die wortel van die probleem en die simptome om effektief die persoon te kan help.

Rebellie, minderwaardigheid, verbittering is almal nagevolge en dan volg gewasse en kanker op die simptoom se hakke.

Verwerping is nie 'n sonde nie. Wat moet dan bely word? Dit help nie om die rebellie aan te spreek nie, nee die wortel moet verwyder word!

Ons is vyf seuns. Ouboet was die opstandige een, ek die verbitterde, die ander het geen verantwoordelikheidsin gehad nie en 'n ander het sy heil in drank gevind. Ons almal het die selfde wortelprobleem gehad nl. verwerping.

My Pa moes die pot aan die kook hou en was altyd op afloswerk gewees, nooit was hy daar nie, en ons het gedink hy was nie lief vir ons gewees nie. Altyd was ons gedreig met 'n Pa wat julle sal kom regsien, as hy eendag huis toe kom

‘n Verworpene is geneig om op eie krag te steun of op die insig van ‘n andere.

'N VERWORPENE IS GENEIG OM OP EIE KRAG TE STEUN OF OP DIE INSIG VAN ANDERE.

Dit is hier waar die probleem lê. Dawid staan voor Goliat en vir geen oomblik maak hy staat op sy eie krag of op die beloftes van koning Saul nie. Nee hy sê vir die reus "Ek kom na jou toe in die Naam van die Here my God en my Verbondsgenoot"

Om op eie krag te steun spreek van ‘n opstandigheid in u midde wat grens aan rebelsheid teen oor die Here.

| Terug na bo |

Module vyf
Oorkom depressie - Die verskil tussen 'n koning en 'n boemelaar

Daar is min mense wat nie kan getuig van daardie gevoel van neerslagtigheid, twyfel en pessimisme wat van tyd tot tyd op hulle toesak nie.

Ander woorde wat ook gebruik word om die toestand te beskryf, is neerslagtigheid en bedruktheid.

Die voorkomssyfer van depressie is in der waarheid so hoog, dat dit as "the common cold of mental illness" bestempel word. Die belangrikste kenmerke van depressie is ‘n gevoel van intense neerslagtigheid.

Hierdie depressiewe gevoel kan wissel van ‘n relatiewe ligte melancholie tot ‘n gevoel van totale hulpeloosheid, wanhoop en eensaamheid.

Depressiewe persone huil maklik en veral by meer depressiewe persone word die sogenaamde hulpeloosheid of hopeloosheidsindroom dikwels aangetref; ‘n gevoel dat alles verlore is en dat niemand hulle meer kan help nie.

Daar word gereken dat ten minste 60% van alle selfmoorde se wortel gesoek kan word by depressiwiteit. Twee derdes van ons kinders wat seksueel gemollesteer word lei aan skuldgevoelens. Dit is juis hierdie kinders wat 'n skuldgevoel het wat as boemelaars deur die lewe gaan en almal misbruik hulle.

Hierdie gevoel van mislukking kan aanleiding gee tot ‘n gevoel van wantroue teenoor jou Maker.

Skuldgevoelens is in die meerderheid die oorsakende probleem van neerslagtigheid met sy gepaard gaande simptome. Bely jou oortreding en ontvang permanente genesing. Het Dawid nie oortree nie?

Was die gevolge daarvan nie angswekkend nie? Eerstens verloor hy sy seun en dan word hy verjaag uit sy koninkryk deur Absalon sy seun. Die profeet spreek hom aan oor sy oortreding en Psalm 51. Dawid se bekeringsuitroep.

Here neem tog nie U Gees van my weg nie, was my met hissop. Reinig my van my oortredinge. Dan kom sy genesing en ‘n nuwe lewe, die resultaat.

| Terug na bo |

Module ses
Hoogmoed

Die woordeboek omskryf die woord nog verder deur te sê dat trotsheid, verwaandheid, opgeblasenheid, ‘n abnormale gevoel van eiewaarde, ook gebruik kan word.

Snaaks genoeg verklaar die woordeboek ook dat hoogmoed tot ‘n val kom.

‘Pride’ op sy beurt kan beskryf word as ‘boast’ of as ‘vainglory’, selfs as ‘puffed up’ of ‘haughtiness’.

In die boek van Spreuke word verkaar dat trotsheid voor verbreking kom en hoogmoed (a haughty spirit) voor die val. Egosentries en selfregverdigendes is ook verdere verwysings na die manifestering van hoogmoed. Eie eer, domineer, ek en ek alleen, kan mense nie verdra nie.

Wat sal God maak met 'n persoon wat hoogmoedig is?

In die boek van Jesaja gee God die versekering dat die hoë oë van die mense verneder sal word en hulle sal neergebuig word. Vernedering sal volg (‘neerbuig’ of buk, buig, oorgee of enigiets wat afwaarts gekrom is, soos die hoof of die liggaam) Die persoon sal tot ‘n val kom … trotsheid kom voor verbreking en hoogmoed kom tot ‘n val.

Godsdeinstige Hoogmoed (of Onheilige of Geestelike hoogmoed)

Hierdie tipe hoogmoed weier om op God te vertrou en om aan Hom te onderwerp. Hierdie selfde hoogmoed ontneem God Sy eer en neem die eer aan vir homself. Hierdie sonde, wat ‘n gruwel is voor God, word ook genoem die wortel van alle sondes.

Hoogmoed was die eerste keer geopenbaar toe Satan homself verhef het oor God en Sy plek wou in neem as God van die heelal … Hulle wat hul nek verhard teen God se Woord, speel met vuur.

Onderwerping aan gesagsfigure is ‘n instelling van God, hetsy by die kerk of in die huwelik. Satan wou homself nie aan God onderwerp nie!

Hoogmoed lei mense tot

Hulle weerstand en verwerping van God se Woord en Sy Bedienaars. Haman het in hoogmoedigheid op die Jood neergekyk.

Mórdegai het hy verag en in sy komplot teen die Jood het hy tot ‘n val gekom. In sy eiewaan en in sy selfverheffing is hy gehang aan die galg wat hy vir sy vyand opgerig het.

Hamman word nie net verneder deur die dood nie, maar hy moes ook nog voor die hele stad vir Mórdegai verhef. Sy hoogmoedigheid het gelei tot sy vernedering.

| Terug na bo |

Module sewe
Konings en priesters - Oorkom finansiële probleme

Vriend, een ding verstaan beide van ons maar al te goed, en dit is dat ons teenstander daarop uit is om ons skade aan te doen. Maar ons is vas daarvan oortuig dat onse God by magte is om ons uit elke moeilike omstandigheid te verlos.

As vriend bied ek vandag my dienste aan jou, en wil dit baie sterk beklemtoon dat ons bereid is om te eniger tyd jou kragtig by te staan met raad en gebed.

Ons totale belang by jou is; "jou voorspoed" Een saak wil ek graag beklemtoon; onderwerp jou aan God, volg Sy riglyne en hou nougeset by Sy Woord, moet nie links of regs daarvan afwyk nie, gee geen plek aan Satan nie.

Mag die Here jou ryklik seën op hierdie nuwe pad van finansiële voorspoed.

Die Woord beklemtoon dat as jy jou hand aan die ploeg slaan en nie agtertoe kyk nie, sal dit voorspoedig gaan met jou.

Isak saai te midde van 'n langdurige droogte, almal vlug weg, dier en mens sterf, maar op God se belofte saai hy sy saad in daardie dorre land in, menslik gesproke is daar geen hoop geen kans om enige oes te kry nie, dit word begrawe in die droë uitgedorde aarde, maar Isak weet dat God by magte is om lewe voort te bring.

Isak maai aan die einde van daardie seisoen 100 keer meer.

Vir elke saad wat hy geplant het kry hy 100 terug.

Die woord sê dat die geloofsdaad van Isak het van hom die rykste inwoner gemaak.

Siele is die primêre opdrag van onse Here en hier moet die grootste persentasie van die geld gespandeer word.

Dit is uiters belangrik om u offerandes te bring waar siele vir Hom bereik word.

Dit is u geld en u het 'n reg om te weet hoe dit verdeel word. Dit is u saad en u is verantwoordelik vir 'n goeie oes. Geen boer gaan tog goeie saad wat hy swaar verdien het op swak grond saai nie.

Vrede vir jou: Louis de Kock

N.s. Let dan daarop, hoe die Here jou van hierdie dag vorentoe gaan seën, was Sy Woorde aan my, terwyl ek afgesonder het.

Die Psalm som God se liefde en Sy besorgdheid vir ons op. So lief het Hy jou dat Hy vir jou wil seën en versorg en bewaar en gesond hou. Niks sal jy in tekort ondervind nie want Hy is mos jou herder.

| Terug na bo |

Module agt
U is God se verteenwoordiger - Reinig dus jou land


Die Seminaar of boek bou op na die hoogtepunt toe. Teen hierdie tyd is ons gereed om uit te roep soos Elia "Antwoord met vuur Here, antwoord met vuur sodat die Christen kan weet wie God is?"
Dit is ons visie. Dit is ons uitroep.

Dit is ons begeerte, Here kyk na hulle dreigemente, Here gee ons om met vrymoedigheid om U Woord te verkondig.

Petrus lig die verlamde op en sy woorde was "Goud en silwer het ek nie maar staan op in Jesus Naam." Die paraat maak van elke gelowige tot diensbaarheid deur God se Gees. Dit is ons doelwit.

As My volk hulself sal verootmoedig ... as My volk net hul knieg wil buig

Deurdat hierdie kursus geheel en al konsentreer op die heelmaking van die persoon se sielsdimensie, kry ‘n mens baie goeie en ywerige soldate teen die einde van die aanbieding. Wat ons volk lamlê is onderandere vrese en minderwaardigheid en rebelsheid en onkunde en neerslagtigheid.

Met vergifnis en belydenis en vasting en kennis word die jukke gebreuk en ‘n nuwe geesdeurdronge kind van God meld hom aan om hulle deel te doen in die uitbreiding van Jesus se koninkryk op aarde.

Al die outoriteit is aan u gegee, gaan en doen Sy werk en die belofte van alle mag en krag sal oor jou kom.

| Terug na bo |